Кампањата Јас внимавам на ОКТА ги потсетува возачите за задолжително носење зимска опрема


Со наградување на совесните возачи кампањата Јас внимавам уште еднаш ги потсетуваше возачите дека носењето соодветна зимска опрема за автомобилот е задолжително. Министерството за внатрешни работи како партнер на кампањата спроведуваше контрола на возилата по случаен избор за почитување на правилата и прописите, вклучително и носење зимска опрема, додека пак иницијаторот на кампањата, компанијата ОКТА, соодветно ги наградуваше возачите со вредносни ваучери за гориво од ОКТА.

Согласно временските прилики, овој период кампањата Јас внимавам сите свои активности ги насочува кон зголемување на свеста на граѓаните за потребата од носење задолжителна зимска опрема и со тоа да придонесат за поголема безбедност на сообраќајот. Целите на кампањата за овој месец се поддржани од Илина Арсова, алпинист и еколошки активист.

„Мојата препорака и совет до сите учесници во сообраќајот е да бидат исклучително внимателни зад воланот, редовно да ги проверуваат своите автомобили и задолжително да ја користат зимската опрема. Да бидат одговорни, како за себе и своите најблиски во автомобилот, така и за сите други што истовремено ги користат  патиштата. Да не заборават дека  велосипедистите и пешаците се рамноправни учесници во сообраќајот, па согласно со етичкиот кодекс да ги остават пешачките премини, велосипедските патеки и тротоари, резервирани за нив! Да се има на ум дека сирената се користи само кога е неопходно и најважно, дека во овие зимски денови секој од нас може да придонесе кон намалување на загадувањето, ако возилата се користат совесно и рационално“, изјави Илина Арсова, ликовен уметник и алпинист.

Јас внимавам како кампања наменета за подигнување на јавната свест за безбедноста во сообраќајот, се спроведува од почетокот на годината и со досегашните активности опфати различни проблеми и посочуваше на правила и прописи кои најмногу влијаат врз безбедноста на учесниците во сообраќајот. Секоја од месечните активности посветена на конкретно сообраќајно правило е поддржана од јавни личности што со своето влијание го зголемуваат ефектот од пораките на кампањата. Покрај апелирање за поголемо внимание во сообраќајот со почитување на сите правила и прописи, кампањата уште и за најмладите спроведува едукација преку донирање сообраќајни полигони за основни училиште низ државата, тематски создадена театарска претстава и подарок во форма на едукативна боенка. Досега кампањата доби голема поддршка и од граѓаните кои ги поддржуваат целите и воедно ја доби наградата за Најдобра општествено одговорна практика за 2017 година.

Видете следно

НЛБ Банка воведе најсовремен начин на плаќање: NLB Pay – мобилен паричник

На настанот одржан на 19.09.2018 година, НЛБ Банка ја промовираше новата услуга, NLB Pay мобилен …