17/01/2018
Средба Богдановиќ - Кане Корзо (3)

Општина Центар ќе гради стационар за бездомни животни

Општина Центар ја започнува процедурата за решавање на проблемот со бездомните животни. На иницијатива на градоначалникот Саша Богдановиќ, во буџетот за 2018-та се одделени 6.000.000 денари за изградба на стационар за згрижување на напуштени животни на територија на општината.

Досега немало проект за изградба на ваков стационар и Центар ќе биде првата општина која го прави ова и ќе биде пример за хумано справување со проблемите со бездомните кучиња и мачиња.

Денеска се одржа состанок со претставници на “Кане Корзо“, здружение за заштита на животните, а градоначалникот ги повикува сите заинтересирани здруженија да дојдат на консултации или да ги напишат своите предлози на info@centar.gov.mk.

Се разгледуваа неколку опции за локација за сместување на овој стационар кој што ќе ги исполни сите неопходни стандарди за згрижување. Напуштените животни ќе бидат сместени во стационарот до вдомување во семејства.

Со ова ќе се стави крај на бездомни кучиња кои се шетаат во централното градско подрачје, ќе се превенира за намалување на можни заразни болести кои се пренесуваат меѓу животните и ќе се обезбеди сигурност на децата и на граѓаните.

Видете следно

Sredba Silegov Bandik (4)

Шилегов оствари работна средба со градоначалникот на Загреб: Загрепски сообраќајни експерти наскоро во Скопје

Градоначалникот на Скопје, Петре Шилегов, деновиве е во официјална посета на Загреб, Република Хрватска, каде …