13/12/2017
vmrodpmne

Погледнете колку пари потрошиле од ВМРО-ДПМНЕ до сега за изборите

Опозициската ВМРО-ДПМНЕ потрошила најмногу пари во првите 10 дена од кампањата за локалните избори, покажа финансискиот извештај на Државната изборна комисија.

Поранешната владејачка партија од членарина собрала околу 488.000 евра, додека од 207 донатори добила околу 47.000 евра. На листата на донатори се и кандидатите за градоначалници Иван Франгов. Коце Трајановски, Јохан Тарчуловски и Владо Мисајловски, кои донирале по 1.000 евра, додека Ивица Коневски за партијата дал 500 евра.

ВМРО-ДПМНЕ најмногу средства за рекламирање ќе потроши на ТВ „Сител“, каде досега дала 68.000 евра, а нешто помалку средства се планираат за „Канал 5“, „Телма“, „Телевизија 24“ и за „Алсат-М“. За реклама на „Фејсбук“, партијата одвоила 3.700 евра.

Владејачкиот СДСМ од членарина собрал околу 211.000 евра, додека од 76 донатори добил 36.000 евра. Партијата во првите 10 дена од кампањата се рекламирала само на „Алсат-М“ за околу 12.500 евра. Владејачката партија пријавила расходи за транспорт, изнајмување простор и за рекламен материјал.

Левица води скромна кампања со само 2.000 евра од донации.

ДУИ до ДИК ги пријавила само приходите од членарина, кои изнесуваат 6.500 евра, додека Беса во својот извештај навела дека шест лица донирале вкупно 5.800 евра, а од членарина собрале 13.300 евра. Алијанса за Албанците од донации собрала 19.200 евра.

Финансиските извештаи се однесуваат на периодот од отворањето на трансакциската сметка до крајот на десеттиот ден од изборната кампања.

Извор: Мета.мк

Видете следно

denari

Сирењето и урдата поскапи за 2.4%

Според податоците на Државниот завод за статистика, индексот на трошоците на живот и индексот на …