23/08/2017
francijacigari

Пушењето ја чини светската економија 1 трилиони долари годишно

Трошоците на глобалната економија поврзани со пушењето, ќе надминат 1 трилион долари годишно и пушењето ќе убива со 30 отсто повеќе луѓе во 2030 година, во споредба со сега. Тоа го покажува студијата на Светската здравствена организација и американскиот Национален институт за борба против ракот, пренесе агенцијата “Ројтерс”.

Трошоците далеку ги надминуваат глобалните приходи од даноците и акцизите над тутунот, од околу 269 милијарди долари во 2013-2014 година.

“Кај бројот на смртните случаи поврзани со пушењето, се очекува зголемување од околу 6 милиони годишно на околу 8 милиони во 2030 година. Над 80% од нив веројатно ќе бидат во земјите со ниски и средни приходи”, се наведува во студијата.

Околу 80 отсто од пушачите живеат во овие земји, а како целина вкупниот број на пушачи во светот се зголемува. Според здравствените експерти пушењето предизвикува најголем број смртни случаи во светот кои би можеле да се спречат.

Меѓу најевтините и ефикасни начини за намалување на пушењето се зголемувањето на цените и акцизите над тутунот, сеопфатна политика за ограничување на пушењето, целосна забрана на рекламирањето на тутунски производи и предупредувања на пакувањето на цигарите, се вели во извештајот.

 

Видете следно

zemjodelstvo

Откупот и продажбата на земјоделски производи зголемени за 11.8%

Според податоците на Државниот завод за статистика, во второто тримесечје од 2017 година, откупот и …