23/11/2017
NIK_2648

Ротари Клуб Скопје Камен Мост донира прочистувачи за воздух во градинките на територијата на општина Центар

Во рамките на проектот на Ротари Клуб Скопје Камен Мост за намалување на изложеноста на децата на загаден воздух и отровните честички што истиот ги содржи, донирани се 12 уреди за прочистување на воздухот во просториите на градинката “13 Ноември” – Скопје.

Патрониот празник на градинката и денот на град Скопје, симболично се избрани за почеток на иницијативата за справување со загадениот воздух и овозможување на прочистен воздух во просториите каде нашите најмали ги поминуваат своите детски денови.

“Загаденоста на воздухот со “PM” честичи претставува сериозна закана за сите кои што се изложени на него, а најопасен е за децата на кои респираторните органи им се се уште во развој. Наша цел е подобрување на амбиенталниот воздух што го дишат дечињата за време на нивниот престој во градинката. Планот е оваа иницијатива да продолжи и во останатите градинки во општината, за што е веќе спремна и следната донација, а потенцијално со помош на општините и градот Скопје, и на територија на целиот главен град.” – изјави Иван Новаковски, претседател на Ротари Клуб Скопје Камен Мост.

Видете следно

peleti

Колку барања за субвенции за купување печки на пелети се доставени во Град Скопје

До денеска до 14 часот во архивата на Град Скопје се доставени 217 барања за …