24/09/2017
socialinovatorss

Се одржа првата конференција Social Innovators во Скопје

Инспиративни приказни на социјални иноватори од Германија, Полска, Словенија, Босна и Херцеговина, Србија и од Македонија, имаше можност да слушне денес публиката дојдена во киното „Фросина“ – во Младинскиот кулутрен центар во Скопје, на Првата Конференција Social Innovators, во организација на Фондацијата „Фридрих Еберт“ Скопје, МладиИнфо Интернационал, Импакт ХАБ Скопје и Асоцијацијата за истражување, комуникации и развој „Паблик“ (издавач на уличното списание „Лице в лице“).

– Веруваме дека овие приказни на говорниците кои имавме прилика за прв пат да ги слушнеме, во ваков формат на лични приказни, ќе инспирираат барем дел од присутните да почнат да размислуваат за создавање на сопствена социјална иновација или бизнис во Македонија, вели Антоанета Иванова, коосновач на „Млади инфоИнтернационал“.

Целта на конференцијaта е подигање на свесноста за важноста на социјалните иновации во развојот на општеството, отворање дискусии на оваа тема, како и поттикнување на луѓето од земјава и регионот да создаваат промени за да ги решаваат општествените и социјални предизвици преку претприемништво.

– Живееме во општество со редица проблеми кои доколку почнеме да ги перцепираме како можности за социјални иновации, значајно би влијаеле на подобрувањето на животот во заедницата и би креирале нови работни места. Ту¬ли¬те на со¬ци¬јал¬но¬то прет¬при¬е¬маш¬тво се ре¬дат на ве¬ќе из¬гра¬де¬на свест, чув¬ство за за¬ед¬ни¬ца¬та и по¬тре¬ба кон¬ти¬ну¬и¬ра¬но да се вло¬жу¬ва во оп¬што¬то до¬бро. Се надевам дека оваа конференција ќе даде придонес во оваа насока – вели Климентина Илијевски, извршна директорка на Асоцијацијата за истражување, комуникации и развој, „Паблик” и главен и одговорен уредник на уличното списание „Лице в лице”.

И од Фондацијата „Фридрих Еберт“, сметаат дека слободно и фунционално демократско општество подразбира одржлива економија и работни места за сите.
– Особено во ситуација на висок процент на невработеност кај младите, поддршката во развивање на социјалните бизниси и иновации може да придонесе во потикнување на претприемачкиот и иновативен дух и развој на иницијативноста и самоиницијативноста кај младите луѓе, што во иднина ќе резултира со креирање на работни места и подигнување на животниот стандард, како и решенија за социјалните проблеми на граѓаните – вели Нита Старова, проектна координаторка од „Фридрих Еберт“.

На Конференцијата присуствуваа близу 300 гости, а во формат сличен како на TEDx, свои лични приказни споделија Карин Лохр од уличното списание „БИСС“ од Германија, Јакоб Детеринг од „Социјал маркерт Романxија“, Зоран Пуљиќ од Фондација „Мозаик“ од Босна и Херцеговина, Барбара Садовска од фондацијата „Барка“ од Полска, Хозе Антонио Моралес од „Аурора коворкинг“ од Словенија, Соња Дакиќ од „Дај дај“, Србија, Јасминко Халиловиќ од „Музеј на детството во време на војна“ од Босна и Херцеговина, Луна Срибар од „Кралеви на улицата“ од Словенија и Климентина Илијевски од „Лице в лице“ од Македонија.
Во рамки на конференцијата, во фоајето на киното „Фросина“ беа претставени и десетина македонски социјални бизниси, а посетителите имаат можност и да купат некои од производите.

Од иновација до влијание: Вмрежување и прибирање средства за социјален бизнис

Дел од агендата беше и панелот насловен „Од иновација до влијание: Вмрежување и прибирање средства за социјален бизнис“, на кој се обратија Јасмина Поповска од Фондот за иновации на Македонија, Харалд Фугер, австриски Аташе за труд, социјални врски и заштита на потрошувачи, Јасмина Белчовска – Тасевска, специјалист за социјални иновации од УНДП и Барбара Садовска, како претставничка на „Ептиса“ за проектот „Поттикнување на социјалното претприемаштво во Македонија“. Модератор беше Небојша Илијевски од „Холистик комуникации“.

Промовиран 22. број на „Лице в лице“

На настанот се случи и промоција на 22. издание на единственото улично списание во земјава, „Лице в лице“, кое претставува пионер во социјалното претприемаштво во Македонија, посветено на тема: социјално претприемаштво.

Новиот број го претстави Маја Раванска, уредничка на „Лице в лице“, заедно со еден од продавачите на списанието, Сухамет Садик, чија приказна читателите може да ја најдат во ова издание.

– Овој број на „Лице в лице“ изобилува со содржини кои даваат преглед на состојбата на социјалното претприемаштво во земјава, консултира значајни експерти од областа кај нас, но објавува и интервјуа и стории од едни од најпознатите луѓе, зачетници на социјалната економија во регионов, Европа, но и многу други редовни содржини – вели Раванска.

Конференцијата е поддржана од Проектот за микро и мали претпријатија на УСАИД Македонија, од Швајцарската агенција за развој и соработка, како и од Пакомак Македонија.

Видете следно

DSC_0590

Промовирана збирката „Метрички карван: Гевгелија – Битола“

Во саботата, на 16 септември, на платото пред библиотеката во Гевгелија во пријатна атмосфера и …