Веќе десет дена трае откупот на жолтото злато: Најавени повисоки субвенции


Веќе десет дена трае откупот на жолтото злато. Големите откупувачи велат дека ќе ги преземат сите количества. Тутунарите бараат реални цени. Премиерот Заев и министерот за земјоделство Николовски во посета на откупниот пункт во Прилеп. Најавени повисоки субвенции…

Тутунот е квалитетен и постигнуваме добра цена, велат тутунарите кои на вагите на откупниот пункт на прилепскиот Тутунски комбинат ја следат проценката нивниот труд. Откупот се одвива непречено.

Просечната цена е 209,5 денари и тутунарите имаат достоинствена валоризација на трудот. Субвенциите ќе стигнат навреме и со нив годинашниот просек е 269 денари, констатира премиерот Зоран Заев, кој денеска беше на откупните пунктови на Сокотаб во Кривогаштани и во Прилепскиот комбинат. Најбитно е да се стимулира побарувачката на тутун со што ќе се зголеми и цената.

Ќе се стабилизираат состојбите во комбинатот со целосна трансформација, а во земјава за наредната реколта влегува и нов откупувач од Грција. За новата реколта со законските измени, субвенциите ќе бидат по 80 денари за прва, 70 за втора и по 60 денари за другите класи тутун. Во земјава од тутун егзистираат 30.000 семејства. Инаку, досега се откупени две третини од реколтата, односно преку 17.000 тони.


Видете следно

Се огласи МЗШВ: Престанок на работен однос и дисциплинска постапка за државниот секретар Цветaн Трипуновски

Министерството за земјоделство, шумарство и водостопанство остро реагира на денешната прес конференција на Генералниот секретар …