25% од населението на ЕУ е во ризик од сиромаштија


Во 2012 скоро една четвртина од населението на Европската унија / ЕУ / била во ризик од сиромаштија и социјално исклучување, покажуваат податоците на Евростат. За споредба во 2011 тие беа 24,3%, а во 2008 – 23,7 %.

Највисоки нивоа на луѓе во ризик од сиромаштија во 2012 има во Бугарија – 49 %; Романија – 42%, Латвија – 37% и Грција – 35%. Најмал ризик од сиромаштија имаат луѓето во Холандија и Чешка – 15%, Финска – 17% и Шведска и Луксембург – 18%.

17 % од населението во ЕУ е загрозена од сиромаштија по показателите за ниски приходи. Најголема сиромаштија во Грција и Романија – 23%, Шпанија – 22%, Бугарија и Хрватска – 21%.

Луѓето кои страдаат од тешка материјална беда во ЕУ се 10% . Тоа значи дека тие немаат можност да си ги платат сметките, да го загреваат станот или да си дозволат еднонеделен одмор далеку од дома. Во Романија тоа се 30% и 26% во Латвија и Унгарија. Земјите со најмал ризик од тешка материјална беда се Луксембург и Шведска – 1 %, Холандија – 2 %, Данска и Финска – 3% и Австрија – 4%.

10 % од населението во Европа живее во домаќинства со ниско ниво на вработеност, што значи дека возрасните членови на домаќинството го изработиле помалку од 20% од работниот потенцијал во текот на изминатата година. Земјите во кои овој показател се највисоки се Хрватска – 16%, Шпанија, Грција и Белгија 14%.


Видете следно

ОЈО Охрид поведе постапка за фалсификување исправи

Основното јавно обвинителство Охрид поведе постапка против седум лица за сторено кривично дело Фалсификување исправа …