Breaking News

Aкциска контрола во угостителски објекти на 272 локации низ цела држава


Денеска (29.01.2023) во периодот од 00.00 до 04.00 часот, полициски службеници од Одделот за униформирана полиција од сите сектори за внатрешни работи, во координација со претставници на ДПИ, ДИТ и УЈП, спроведоа акциска контрола во угостителски објекти на 272 локации. Во контролата беа опфатени и 18 казина на подрачјето на СВР Скопје и СВР Куманово. За време на контролата, на територија на СВР Скопје, поточно на подрачјето на Чаир, е констатиран еден прекршок по чл.80 од Законот за оружје, при што кај Б.И.(31) од Косово е пронајден и одземен нож, а на подрачјето на Кисела Вода прекршок по Законот за странци, при што е приведен О.О.(32) од Република Турција поради непријавен престој во државата. Притоа, од спроведената акциска контрола на подрачјето на СВР Велес, во угостителски објект во Велес констатирано е кривично дело по член 215 од Кривичниот законик, при што лицето е лишено од слобода, прекршок по чл.21 од ЗППЈРМ поради присуство на малолетници во објектот, прекршок по Законот за оружје кај лице кое врши работа од областа на приватното обезбедување, а притоа не поседува лиценца и договор за работа (член 46 став 3 од Закон за приватно обезбедување), поради што и ова лице е приведено во полициска станица.