Apple ќе го претстави iPad на 21 октомври

Технолошкиот гигант Apple планира специјален настан на 21 октомври, на кој се очекува компанијата да претстави два нови модели iPad од шестата генерација, како и трета верзија на iPad Мini и неговиот оперативен систем ОС Х Yosemite, соопшти Reuters.

Неофицијално новите таблети ќе бидат со процесор A8 (сличен на iPhone 6 и iPhone 6 Plus) и сензор за отпечатоци Touch ID. Порано Bloomberg објави дека новиот iPad ќе има 9,7-инчен екран, а новата верзија на iPad Mini – 7.9 – инчен екран, повикувајќи се на блиски извори до компанијата.

Се очекува Apple да го претстави новиот оперативен систем ОС Х Yosemite со подобрен интерфејс, нови вградени апликации и можности за интеракција со Мас. Компанијата ќе покаже и нов лаптоп MacBook Air со надграден дизајн и 12-инчен екран Retina. На настанот на Apple има веројатност да дебитира и обновениот телевизиски приклучок Apple TV.

Во првиот квартал на годината компанијата има продадено 1 330 000 милиони IPad-a. Тоа е под прогнозите од аналитичарите. Тие очекуваа продажби за повеќе од 14 милиони примероци.

Минатата недела компанијата од Купертино претстави два модела iPhone 6, услуга за мобилни плаќања Apple Pay и часовникот Apple Watch.