Барал од Тодоров да се врати породилниот дом во Ново Село: Еве што поранешниот министер за здравство му одговорил


Поранешниот пратеник и директор на новооснованото претпријатие за сите водни стопанства на Македонија – „Водостопанство“, на својот Facebook профил открива информации поврзани со поранешниот Министер за Здравство и Образование, Никола Тодоров.

„Нино пријателе, Нино Аlmighty, зарем Ти Аlmighty???
Нино, Ти којшто беше недопирлив и заштитен како ,,куна во Хрватска”. Ти кој онака со ,,лева рака” ги одбиваше барањата на пратениците, на градоначалниците, на претседателите на општински… зарем Ти ползиш пред Заев??? Не ми се верува/веруе. Се сеќавам кога отидов да барам да се врати Породилниот дом во Ново Село, ми рече: Тоа е среќна нова ’49… тоа нема шанси. Неготино нема породилен, не па вие.
Одвај дојдовме до Брза помош, и тоа амбулантното возило го добивме од дијаспората и благодарение на заложбите на тогашниот градоначалник. Кај сите излобирав по нешто (се разбира не сам,туку со градоначалникот, совтниците, другите пратеници и целото членство). Кај Ставрески патот Смоларе-Мокрино; кај Гордана канцеларија за биометриски патни исправи; кај Коњановски канцеларија на Министерството за земјоделие; кај Слеве Трпески катастар; кај Миле канализација во Ново Коњарево, и да скратам кај сите по нешто. А бе Перо Стојановски, оној кој вие го исмевавте и му викавте Перо Бургија, а јас сум му крајно благодарен, е тој ми заврши работа кај Груевски за спортската сала во Ново Село уште кога бев претседател на општински. Сите бе Almighty, сите. Само Ти ме реши ала секунда. А, ако јас не сум успеал кој бев ,,досаден и напорен” нема жив кој успеал.
Е Ти, кој беше недопирлив Ти ползиш кај Заев.
Ти Almighty избега прв, а сега заедно со оние што товаривте магарето ползите пред Заев од страв да не ви го растовари. А лани пред конгресот осетивте дека ќе победи Христијан па се налепивте. Јас лани, како и многу други имав друг фаворит, но кога тој не се кандидира отидов на конгресот и активно учествував во него, исто како што направија и многу други. Не за друго, туку оти така треба. За партијата, за државата. И дали имам забелешки за некои работи? О да, имам! Имаат и други. Но ниту тие, ниту јас не лаам по социјалните мрежи и портали, туку отидов кај Христијан и таму му ги кажав, а не да му правам услуга на ,,злото”.
Лани кога сакаше да те убие дедото на Тамара јас те бранев по социјалните мрежи. Те бранев оти не може да се седи мирен кога некој сака да убие човек, а и згора висок партиски функционер.
И знаеш што! Партијата никогаш не почивала на таквите како тебе, фронтмени ко божемски, туку на таквите како Кико од Ѓорче, Драшката од Делчево, Оли и Саше од Паланка, Пепси од Виница, Јохан од Љубанци и многу други со кои се гледаме по протести и кога ќе се видиме ни зажаруваат очите и кога ќе си кажеме: Тука си брату?! И си одговараме: А кај да бидам? Е на тие момци стои партијата, а не на кариеристи. И можеби е така зашто нема што да изгубат и нема за што да ги уценат, а и заканите кај таквите момци даваат контра ефект.
После ова веројатно си свесен дека предизвикуваш бес кај членството, и ако мислиш дека не сум во право еве кандидирај се за кандидат за претседател на конвенцијата и ќе видиш како ќе поминеш.
Имам чувство дека Вицето да се кандидира повеќето гласови ќе добие од тебе. У ствари тоа му доаѓа исто. Сега сте заедно.
п.с.
Сите што ми бевте одвратни во партијата излезе дека сте предавници“, напиша Тренов на својот профил на Facebook.

 


Видете следно

Општина Дојран ќе добие реконструкција и изградба на пешачка патека и локален пат

Министерот за локална самоуправа Сухејл Фазлиу и постојаната претставничка на УНДП Нарине Сахакијан на прес …