Бесими: Со буџетот за 2021 година се обезбедува поголема поддршка за домашното стопанство


Скопје, 25 ноември 2020 (МИА) – За поддршка на инвестициите, конкурентноста, малите и средни претпријатија, домашниот туризам, како и целокупната област економски работи во 2021 година се обезбедени за 4,5 проценти поени повеќе во однос на буџетот 2019 година, односно со буџетот за 2021 година 24 отсто од расходите се наменети за економски работи, рече министерот за финансии Фатмир Бесими на комисиската расправа за буџетот во Собрание.

Во однос на развојната компонента на буџетот за 2021 година, како што соопшти Министерството за финансии, министерот посочи и дека се предвидени средства за капитални проекти за 20 отсто повеќе во однос на ребалансот, како и дека првпат има петгодишна рамка за проектите со цел да се подобри нивната реализација.

-Буџетот за идната година треба да даде перспектива за раст и развој. Поради тоа капиталните инвестиции споредбено со ребалансот предвидуваат зголемување за 20 отсто. Предвидуваме и со механизми со кои сметаме дека може да се подобри реализацијата. Во самиот документ има листа на капитални проекти на среден рок, како автопатишта, железничка инфраструктура, енергетска инфраструктура, комунална инфраструктура, инфраструктура од образование и здравств, вели министерот за финансии.

Во однос на економскиот развој и соочување со тековната ситуација министерот во однос на четвртиот пакет мерки посочи дека за октомври за околу 14.000 правни субјекти е веќе одобрена финансиска поддршка за исплата на плати со што се опфатени околу 58.000 работни места. Станува збор за 15 милиони евра, кои воедно се инјектираат и во стопанството.

Министерот посочи дека економското заздравување и развојот на економијата ќе се поттикнуваат и преку Стратегијата за економско заздравување и раст, преку која на среден рок ќе се обезбедат стапки на раст од 4-5 отсто или двојно повеќе во однос на просекот од последните десет години.скс/лв/


Видете следно

Акциска контрола на полицијата во Кавадарци и Неготино, изречени 93 мерки

Сообраќајната полиција изрекла 93 мерки за време на вчерашната акциска контрола во Кавадарци и Неготино. …