Денеска започнува Националното првенство во триатлон во Дојран


Натпреварот е во организација на Триатлон Федерацијата на Македонија и на Општина Дојран, помагатели се Агенцијaта за млади и спорт и Олимписки Комитет на Северна Македонија. На настанот учествуваат над 80 учесници во 12 категории.

– Триатлон спортот во Македонија засилено расте и напредува и очекуваме убаво организирана и силна трка денес во Дојран, истакнаа организаторите на Националното првенство во триатлон.

Организаторите на настанот апелираат до сите учесници без исклучок да ги почитуваат протоколите и мерките за заштита од Ковид-19. Задолжително е носење маска пред и по трката, да се избегнуваат групирања, да се одржува физичка дистанца и редовна дезинфекција на рацете на пунктовите поставени за таа цел, пишува МИА.

И градоначалникот од општина Дојран Анго Ангов го навести настанот на социјалната мрежа Facebook:

„На ден 20.09.2020 ( Недела) со почеток од 09:00часот, во Дојран ќе се одржи национално првенство во триатлон.
Националното првенство ќе се реализира согласно владините мерки и препораки за одржување на настани под отворено и заштита од Ковид-19.
На ден 20.09.2020година, патниот правец од Нов Дојран до ГП Стар Дојран во периодот од 09:00 до 10:30часот ќе биде целосно затворен“, вели Ангов.

 


Видете следно

Делови од градот Гевгелија утре без вода за пиење

Поради неопходни зафати на дистрибутивната водоводна мрежа, утре од утринските часови, делови од градот Гевгелија …