Џеф Безос четврта година по ред е најбогатиот човек на светот


Богатството на основачот на „Амазон”, Џеф Безос, се проценува на 177 милијарди долари, што е далеку пред останатите. Годишната листа милијардери на „Форбс” вклучува рекордни 2.755 луѓе, а на чело е основачот на „Амазон”, кој е четврта година по ред, официјално, најбогатиот човек на светот.

Луѓето кои поединечно имаат повеќе од милијарда долари, заедно имаат 13 трилиони долари, што значи дека заработиле пет трилиони за време на пандемијава, во споредба со осумте трилиони долари лани. Извршниот директор на „Тесла”, Илон Маск се искачи од 31-то место на второто и неговото богатство се проценува на 155 милијарди долари. Бернард Арно, извршен директор на „ЛВМХ”, основачот на „Мајкрософт” – Бил Гејтс и сопственикот на Фејсбук – Марк Закерберг, исто така, се меѓу првите пет најбогати луѓе во светот. Повеќе од половина од светското богатство е во рацете на првите 20 милијардери на списокот на „Форбс”. си/сд/

Лос Анџелес, 7 април 2021 (МИА)


Видете следно

Пролетни средби на ММФ и Светската банка: Одлуките и мерките на Народната банка придонесоа за јакнење на стабилноста на банкарскиот систем и за кредитирањето

Одлуките и мерките на Народната банка донесени од почнувањето на корона-кризата наваму се позитивно оценети …