Дизелот поскапува, бензините поевтинуваат


Со денешната одлука на Регулаторната комисија за енергетика и водни услуги (РКЕ) цената на бензините ќе се намали за 1,5 денари, а цената на дизелот ќе се зголеми за 0,5 денари, информира претседателот на РКЕ Марко Бислимоски.

Новите цени на нафтените деривати, како што кажа, се должат на фактот што во текот на изминатата недела за речиси два денари се зголеми курсот на доларот и достигна над 59 денари за еден долар.


-Курсот на доларот прави притисок, бидејќи се зголеми од 57 на 59 денари. Со последната методологија РКЕ гои презема податоците од Медитеранската берза,како што тоа го прават и Србија, Црна Гора, Словенија, Хрватска , Италија и Грција, за секој дериват посебно. Тоа што се случува на светски берзи за брент суровата нафта ние не го земаме во пресметките. Како земја која нема рафинерија ги земаме готовите производи, посебно за дизелот, посебно за бензините, посебно за екстра лесното масло и посебно за мазутот, појасни Бислимоски во одговор на прашање на денешната прес-конференција.

Согласно новите цени што ќе важат од полноќ, ЕУРОСУПЕР БС-95 ќе чини 110 денари за литар, ЕУРОСУПЕР БС-98 ќе се продава за 112, а ЕУРОДИЗЕЛ (Д-Е V) за 110 денари за литар. вј/са/


Скопје, 20 јуни 2022 (МИА)


Видете следно

МТСП: Во тек е етапната исплата на јунските пензии

Министерството за труд и социјална политика известува дека на ден 28.06.2022 год. (вторник) започнува етапната …