Европските држави го намалуваат ДДВ-то на туризмот, Турција најмногу


Загреб, 16 јули 2020 (МИА) – Единаесет европски држави одлучија привремено да го намалат ДДВ-то на туристичките услуги со што сакаат барем привремено да му помогнат на туристичкиот сектор, што е меѓу најпогодените од пандемијата на коронавирусот, пишува хрватскиот портал пари.хр.

Според Европската асоцијација на хотели, ресторани и угостителски објекти (HOTREC), и Турција и Грција, меѓу другите, одлучиле да го направат истото, но засега меѓу нив не е Хрватска.

Турција одлучи, во периодот од 1 април до 30 ноември 2020 година, да го намали ДДВ-то во хотелскиот сегмент од веќе ниските осум отсто на само еден процент, што е најнизок ДДВ во кој било туристички сегмент во Европа.

Грција го намали ДДВ-то од 24 на 13 проценти во сегментот на услуги за безалкохолни пијалоци, а од хотелиерството од 13 на само пет проценти.

Во Хрватска, пак, туризмот во моментот се оданочува по две стапки – 25 и 13 проценти, од кои намалената стапка беше воведена дури неодамна, исклучиво за сегментот на подготовка и сервирање храна и десерти надвор од рестораните.


Видете следно

Мицкоски: За да не поскапи цената на електричната енергија потребно е само да се намали маржата на универзалниот снабдувач

За да не поскапи цената на електричната енергија потребно е само да се намали маржата …