Финансиско ветување за борба против кризата со храна на крајот на Самитот на Г7


Групата богати нации Г7 се очекува денеска да го заврши својот тридневен самит на Баварските Алпи со големо финансиско ветување за напорите за спречување на претстојната криза со глад предизвикана од руската инвазија врз Украина.

Лидерите на Велика Британија, Канада, Франција, Германија, Италија, Јапонија и САД планираат да објават декларација во која ќе се сумира напредокот постигнат на самитот во одморалиштето Шлос Елмау, а германскиот канцелар Олаф Шолц, годинашниот домаќин, треба да одржи прес-конференција.


Војната во Украина, која сега е во својот петти месец, спречува житото да излезе од пристаништата во државата и ја поскапува храната на глобално ниво, при што експертите и хуманитарните групи предупредуваат на потенцијал за глад во делови од Африка.

Москва ги обвинува западните санкции за кризата со храната.


Лидерите на Г7 проектираа сигнал за единство поради руската инвазија врз Украина и се чини дека постигнаа одреден напредок за прашања, вклучително и намалување на зависноста од рускиот увоз на енергија, казнени мерки против Русија и поддршка на воените напори на Украина.

Американскиот претседател Џо Бајден, исто така, треба да се сретне со британскиот премиер Борис Џонсон, францускиот претседател Емануел Макрон и Шолц, на маргините на самитот.


Сите лидери на Г7, освен јапонскиот премиер Фумио Кишида, ќе отпатуваат во Мадрид по самитот на Г7 за да присуствуваат на состанокот на лидерите на НАТО што ќе биде клучен во зацврстувањето на одбранбените политики по инвазијата. паг/

Берлин, 28 јуни 2022 (МИА)


Видете следно

Продолжува „сагата” на поднесување бизарни претставки до АХВ

Сосед ги храни уличните кучиња и мачки кои се собираат во голем број, а потоа …