Флорида можно ново жариште на Ковид-19


Во САД во последните 24 часа се регистрирани најмалку 38.845 новозаразени случаи со коронавирус, од чии последици починале уште 264 лица, со што вкупниот број на заразени во земјата достигна 2.548.996, а на смртни случаи 125.804, според податоците на Универзитетот Џонс Хопкинс.

Намалување на бројот на инфицирани е забележано само во две сојузни држави – Конектикат и Роуд Ајленд, а пораст има во 36, при што ситуацијата е посебно загрижувачка на Флорида, за која експертите тврдат дека би можела да стане ново жариште на зараза. Властите на Флорида и на другите американски држави предупредуваат на зголемениот број заболени меѓу младата популација.

На Флорида вчера се потврдени 9.585 нови случаи на зараза со Ковид-19, што е најголем дневен пораст во оваа држава од почетокот на пандемијата.

Атланта, 29 јуни 2020 (МИА)


Видете следно

Директорот на ФБИ: Kина e противник број еден за САД

Најголема долгорочна закана за иднината на САД се  актите на шпионажа и кражби од кинеската …