Фото

„Форбс”: Милијардерите во Европа за една година се збогатиле за трилион долари


Богатството на европските милијардери се зголеми и достигна три трилиони долари, објави списанието Форбс. Најбогатите луѓе во светот останаа во голема мера заштитени од финансиска штета предизвикана од пандемијата на коронавирусот.

Рангирањето на светските милијардери од списанието Форбс за 2021 година вклучува имиња на 628 европски милијардери, наспроти 511 во претходната година. Заедно, тие се побогати за еден трилион долари отколку пред една година, што сугерира дека за хипербогатите пандемиската година била профитабилна, пишува весникот.

Францускиот тајкун за луксузни производи Бернард Арно останува трет најбогат човек на светот, иако неговото богатство од 150 милијарди долари е речиси двојно зголемено од минатата година како резултат на пауза на цената на акциите на LVMH. Шпанскиот моден магнат Амансио Ортега е втор најбогат човек во Европа со 77 милијарди долари. Иако ова е 20 милијарди долари повеќе од пред една година, оваа година тој падна во рангирањето на најбогатите луѓе во светот на 11-то место. На најбогатите луѓе оваа година им се придружија нови 72 европски милијардера, вклучително и извршниот директор на Аксел Спрингер, Матијас Допфнер (откако доби подарок во вредност од 1,2 милијарди американски долари од сопственикот на медиумскиот гигант Фрид Спрингер) и основачот на Checkout.com, Гијом Пусас од Швајцарија, чиј удел во приватната компанија за е-трговија е околу девет милијарди долари.

Основачот на „EasyJet”, Стелиос Хаџи-Јоану од Грција и тројцата германски браќа – основачи на „Rocket Internet” – Оливер, Марк и Александар Самвер – се вратија во редовите на милијардери. гт/

Париз, 6 април 2021 (МИА) 


Видете следно

Пролетни средби на ММФ и Светската банка: Одлуките и мерките на Народната банка придонесоа за јакнење на стабилноста на банкарскиот систем и за кредитирањето

Одлуките и мерките на Народната банка донесени од почнувањето на корона-кризата наваму се позитивно оценети …