Глобални напори на ФДА за промоција на јавното здравје и заштита на потрошувачите


 

ФДА е неприкосновен авторитет во промоцијата на јавното здравје и пример за регулаторите во областа на здравството ширум светот

Во време кога светот е преокупиран со пандемијата предизвикана од КОВИД19, кога важноста, кредибилитетот и довербата во здравствените институции го достигнуваат својот историски максимум,  а светската јавност со нетрпение ја очекува вакцината против вирусот кој се заканува на светската популација, донесена е една друга одлука која со сигурност ќе го смени текот на јавното здравје во иднина. И тоа е донесена од една од оние институции чија експертиза, се смета за неспорен авторитет – Агенцијата за храна и лекови на САД (ФДА). Агенцијата, која е бескомпромисен авторитет во областа на јавното здравје, не само во САД, туку и во целиот свет, донесе одлука да ги класифицира IQOS уредите кои користат несогорлив тутун во категоријата производи со модифициран ризик.

„Научните истражувања потврдуваат дека целосен премин од класичните цигари на IQOS ја намалува изложеноста на телото на штетни и потенцијално штетни материи“, соопшти ФДА овој јули посочувајќи дека одлуката е во согласност со целите за унапредување на јавното здравје во САД и дека ќе овозможи возрасните пушачи кои не сакаат да се откажат од никотин, да знаат дека постои подобра алтернатива.

Оваа одлука, иако е донесена во време на голема светска криза предизвикана од Ковид19, всушност се базира на фактот дека една друга закана, онаа од пушењето и тутунскиот чад, е перманентно тука и дека треба да се искористи секоја можност која стои на располагање во борбата против неа. Според ФДА, пушењето е причина за 480 илјади смртни случаи во САД годишно, но и 300 милијарди долари трошоци за лекување.

ФДА како федерална агенција која работи под Министерството за здравство на САД (HHS), првенствено е одговорна за регулирање на медицински производи, лекови, но и производи  од тутун, храна и ветеринарна медицина и глобални регулаторни операции и политики. Вклучувањето на потрошувачите е својствен аспект на контролата на храната во Соединетите држави од 1906 година кога беше донесен федералниот закон за храна и лекови, што се смета и за почеток на функционирањето на Агенцијата, а со што пак, започна и модерната ера во начинот на кој Американците гледаат на проблемите на јавното здравје. Оттогаш, ФДА има неприкосновена улога во промоцијата на јавното здравје и служи како пример за регулаторите во областа на здравството ширум светот.

Оваа одлука, како и секоја одлука на ФДА, не беше донесена врз основа на емоции, предрасуди и скептицизам бидејќи се работи за производ за една од можеби најконтроверзните компании во светот, туку се базираше на релевантноста на науката и на научните докази кои стојат зад IQOS и секако, на прво место ФДА го стави она најважното – интересот на потрошувачите и јавното здравје. Во процесот на верификација на научните докази за IQOS, ФДА прегледа повеќе од милион страници на научни истражувања кои беа доставени на крајот на 2016 година од страна на Филип Морист Интернешнел, компaнијата производител на IQOS.

IQOS е инаку втор производ што ФДА го класифицира во категоријата производи со модифициран ризик и е единствен систем за загревање на тутун кој ја поминал постапката за  проверка дека истиот може да припадне на категоријата на производи со модифициран ризик. Пред него, ова му успеа само за шведскиот СНУС за кој се верува дека е причината зошто Шведска денес е земја со најмал број на заболени од рак на белите дробови и со само 5% пушачи што е најмал процент во Европа.

Во насока на заштита на јавното здравје, ФДА побара и сите производители на електронски и други производи кои користат тутун или течности од никотин што во моментов се продаваат на американскиот пазар, да достават апликација за дозвола за комерцијализација на нивните производи. Така, по проценката на ризикот, тие би можеле да обезбедат опстанок на американскиот пазар. Оваа апликација, меѓу другото, треба да содржи научни докази кои потврдуваат дека производот е во согласност со заштитата на јавното здравје.

IQOS, иновативниот уред кој користи несогорлив тутун не само што веќе има ваква одлука од ФДА за комерцијализација, која ја доби минатата година, туку сега е класифициран и во категоријата производи со модифициран ризик. За над милијарда пушачи, можноста за информирање дека постои подобра алтернатива од пушењето, е секако одлука од неизмерна важност. Но, истовремено е одлука која е од огромна важност за промоција и унапредување на јавното здравје, не само за САД, туку и во целиот свет.

 


Видете следно

Демант од ФИТР: Целосно неточни и измислени се наводите дека ФИТР склучил договори во четири очи

Фондот за иновации и технолошки развој (ФИТР) најостро ги демантира наводите на политичката партија ВМРО …