Годинава преку платформата ДеФи украдени 10,5 милијарди долари


Инвеститорите ширум светот годинава изгубија повеќе од 10 милијарди долари средства, кои беа украдени од т.н. „Децентрализирани финансии” – ДеФи (DeFi), кои ги имитираат традиционалните финансиски услуги користејќи блокчејн технологија, се вели во извештајот на лондонски „Елиптик”.

Платформите ДеФи често се нарекуваат криптовалути на „Дивиот Запад”. На клиентите често им се ветува огромен поврат на инвестицијата, со исклучок на кој било посредник за трансакции како што се, на пример, банките. Штедните и кредитни производи со високи каматни стапки се вообичаена глетка во областа, јави Си-Ен-Би-Си.


ДеФи платформите не се регулирани. Ова е она со што регулаторите веќе некое време се обидуваат да се справат поради серија хакерски кражби и измами.

Вкупните загуби предизвикани од користењето на платформата ДеФи изнесуваа 12 милијарди долари досега во 2021 година, според Елиптик, компанија која го следи движењето на средствата на дигиталните сметководствени сметки за крипто трансакции.


Од таа сума, 10,5 милијарди долари се однесуваат на измами и кражби, што е седумпати повеќе од лани. Во текот на изминатите две години, вкупниот износ на пари депонирани на услугите на ДеФисе зголеми од само 500 милиони долари на 247 милијарди долари.

За тоа придонесе растот на цените на биткоинот и другите криптовалути оваа година. Ethereum, мрежата зад втората по големина дигитална монета во светот, се смета за столб на многу апликации ДеФи, според Си-Ен-Би-Си. паг/

Лондон, 19 ноември 2021 (МИА)


Видете следно

ЕДУФРОНТ во најава на нови уписи со бесплатни денови за запознавање со дигиталните патеки

Гордана Мишевска, сопственик и директор на Едуфронт, онлајн компјутерски центар за деца од 8-14 год. …