Груевски: Растот на индустриското производство над очекувањата


Растот на индустриското производство е над очекувањата и за декември и за целата мината година. Во декември имаме 9,5 отсто раст на индустриското производство споредено со декември минатата година, а просекот за целата година е 3,2 и тоа е над нашите очекувања. Тоа е добро кога растот на индустриското производство е над очекувањата и над планирањата, а е резултат на многу работа.

Ова денеска го изјави премиерот Никола Груевски одговарајќи на новинарско прашање каков е растот на индустриското производство во декември и во целата измината година по пуштањето на патот Ерџелија – Мустафино.

– Тоа е резултат на многу работа, на многу реформи, на создавање добра клима, привлекување и охрабрување инвеститори, директна помош во решавање на нивните проблеми од страна на Владата и на министрите, многу проекти со кои сме во директна комуникација со компаниите и со фабриките обидувајќи се да им помогнеме на секој можен начин во рамки на законите. Се разбира, тоа е резултат и на залагањата на самата бизнис-заедница во Македонија и на самите сопственици и инвеститори на овие фабрики и со заеднички сили работите се движат во добра насока. Очекувам да продолжи така и во текот на оваа година растот да биде висок, изјави премиерот Груевски.

Извор: vlada.mk


Видете следно

Вицепремиерот за економски прашања д-р Кочо Анѓушев на средба со министерот за сојузни, европски и меѓународни работи на Северна Рајна – Вестфалија д-р Стефан Холтхоф Пфортнер

Заменикот на претседателот на Владата задолжен за економски прашања д-р Кочо Анѓушев оствари средба со …