Јанушев: Велат дека ќе ја донеле Европа во Македонија, а нема ниту датум за преговори со Европската Унија


Генералниот секретар на ВМРО – ДПМНЕ Игор Јанушев јасно дека не се согласува со политиките на владата на Заев. Тој повика во Недела во Кичево да излеземе и заеднички сложно и обединето да кажеме НЕ на Заев, НЕ за договорот со Грција.

„Говорат за Европската Унија, а сиромаштијата расте. Велат дека ќе обезбеделе иднина, а економскиот раст се движи околу нулата, со капитални инвестиции на очајни 21% за цели 6 месеци. Велат дека младите ќе добиеле шанса, а образованието ни девастира, со универзитети кои ги нема ниту во втората половина на 1000 на Шангајската листа. Велат дека ќе обезбеделе правда, а земјава е прогласена за најкорумпирана во Европа. Велат дека ќе имало компетитивно здравство, а земјава само ги брои смртните случаи. Велат дека ќе ја донеле Европа во Македонија, а нема ниту датум за преговори со Европската Унија.

Велат, ветуваат, но не исполнуваат.

Зборуваат за Европа, за да не зборуваат за договорот со Грција кој е на маса и за кој треба граѓаните да одлучат.

Промената на името, на идентитетот, на јазикот, на комисијата за ревидирање на македонската култура, историјата и археологијата … е за ова што навистина го имаме на маса пред нас, нема да чуете ништо од власта. Затоа што од власта кога ќе ви кажат ДА, не ви кажуваат дека тоа е ДА за Северна Македонија и променет идентитет и устав.

Затоа што добро знаете дека НЕ за договорот значи ДА за Македонија и нејзината остварлива иднина.Ова мора да престане, а одговорот е токму во граѓаните. Македонија нема време за губење, затоа што секој човек и секој живот вреди.

Ве повикувам во Недела (2 Септември) во 13:00 часот во Кичево (кружниот тек пред Автобуската станица) да излеземе и заеднички сложно и обединето да кажеме НЕ на Заев, НЕ за договорот со Грција, што ќе значи ДА за Македонија! За Република Македонија онаква каква што ја заслужуваме и посакуваме.

Македонија ќе победи“, напиша Јанушев на Facebook.



Видете следно

Поднесено обвинение против лицето кое пукаше од полуавтоматско и автоматско оружје во скопско Бојане

Основното јавно обвинителство Скопје поднесе Обвинителен акт против едно лице кое се товари дека извршило …