Јапонија за американските трупи на нејзина територија годишно троши 1,9 милијарди долари


Шефот на јапонската дипломатија Тошимицу Мотеги денеска изјави дека Јапонија ќе потроши 1,9 милијарди долари за престојот и сместувањето на 55.000 американските војници во фискалната година, што почнува во април.

Тој наведе дека е постигнат билатерален договор за поделба на трошоците за американските бази што се наоѓаат на територијата на Јапонија.

– Сакаме да ја сочуваме блиската соработка со САД, со цел да го зајакнеме нашиот сојуз за да може да одговори на предизвиците, посочи Мотеги.

Поделбата на трошоците се ревидира на секои пет години, а актуелниот договор е во сила до 31 март 2022 година.

Поранешниот американски претседател Доналд Трамп инсистираше земјата домаќини да плаќа повеќе за распоредувањето на американските војници. ми/

Токио, 24 февруари 2021 (МИА) 


Видете следно

За еден ден во светот нови повеќе од 718 илјади новозаразени со Ковид-19

Повеќе од 718.000 нови случаи на коронавирус се регистрирани во светот во вчерашниот ден, од …