Каква иницијатива е „За татковината со љубов“


„За татковината со љубов“ e иницијатива за консултации за важни прашања од интерес за земјата со една широка листа во која се вклучени личности со различни експертизи и од различна политичка провиниенција, информираше премиерот Заев во ТВ-интервју.

Тоа е идеја и понуда на заменик-претседателот во Владата задолжен за економски прашања Битиќи, со која сум запознаен. Иницијативата е во согласност со отворениот пристап на оваа влада за инклузивен процес кога се во прашање важни, стратешки прашања од интерес на граѓаните и државата. Јас секогаш имав и имам отворена понуда до опозицијата за заеднички разгледувања за различни големи иницијативи, но не прифаќам во фокусот на таа понуда да биде ситниот партиски интерес и политички профит. Еве, како најнова понуда е да разговараме за Законот за Клиничкиот центар, на пример, и подготвени сме да ги слушнеме мислењата на сите за да постигнеме најдобро и најефикасно решение за еден ваков стратешки објект во јавното здравство, рече Заев.

Битиќи појаснува дека станува збор за неформално тело, односно како што вели, платформа за дискусија со луѓе кои можат да дадат мислење, совет или експертиза за да дојдеме до поквалитетни предлози и политики. Тие, укажува, не се професионално ангажирани како советници во мојот кабинет или во Владата, ниту нивните мислења се обврзувачки за Владата ниту пак ќе примаат каков било надомест.

Покрај оваа неформална група, наведува вицепремиерот,  секојдневно разговарам со различни претставници од бизнис заедницата, академци, граѓани. И нивните барања и мислења влијаат на предлозите што ние потоа ги даваме и ги усвојуваме како Влада. Секако, Владата работи по свои јасни методологии и процедури и секоја дискусија и консултација која ние како политички претставници ја правиме, на крај се преточува во одредена предлог одлука, политика, стратегија, акциски план и за сето тоа е навремено информирана јавноста.

-Составот на #ЗаТатковинатаСоЉубов е флуиден, односно ќе се менува во зависност од темата. На првиот состанок имаше повеќе од 20 економски експерти од различни области. Сега веќе се пријавија уште десетина други што би сакале да учествуваат на наредните состаноци, информира Битиќи.


Видете следно

Кина ги надминува Соединетите држави и станува најголемата економска моќ

Кина може да ги надмине Соединетите држави како најголема економија во светот, вели економистот на …