Кина одговори и влезе во трговска војна со САД


Кина воведе тарифи во износ до 25% за увоз од САД, откако американскиот претседател Доналд Трамп ги зголеми царините за челик и алуминиум во март.

Од денес Пекинг ќе оданочува американски производи во вредност од вкупно 3 милијарди долари, што реално е само мал дел од годишниот прометот меѓу двете најголеми економии во светот, во вредност од 637 милијарди долари за 2017 година. Трговскиот дефицит на САД е 375 милијарди долари, според статистичките податоци на САД.

Кинеските власти ќе ги оданочуваат новите царински давачки на увезените производи, како што се виното, замрзнатото свинско месо и алуминиумските отпадоци. Официјалната позиција на Пекинг е дека ќе ги балансира загубите предизвикани од новите тарифи на САД.

Со воведувањето на царините врз челикот и алуминиумот Трамп инсистираше на тоа дека “трговските војни се добри” и дека за САД ќе биде лесно да ги добијат.

Американската администрација веќе најави планови за дополнителни тарифи кои ќе влијаат на увозот на производи за 60 милијарди долари од Кина и ограничување на кинеските инвестиции, како одговор на кражбите на интелектуална сопственост.


Видете следно

Средба на премиерот Спасовски со новиот амбасадор на БИХ, Јаќимовиќ: Заеднички определби за нови унапредувања на соработката меѓу двете држави и во регионот и за европска иднина

Претседателот на Владата на Република Северна Македонија, Оливер Спасовски, се сретна со Драган Јаќимовиќ, новоименуваниот …