Манифестацијата „Денови на кочанскиот ориз” годинава во скратено издание


Дваесет и деветтото издание на културната манифестација „Денови на кочанскиот ориз” годинава ќе се одржи на 3 октомври, во скратена форма.

На одржаниот состанок, Организацискиот одбор на манифестацијата утврди дека поради корона-кризата неопходно е многубројните, повеќедневни содржини да бидат сведени на минимум.

Се планира да се прикажат само обичаите зажнејување и вршидба, како настани што ја одржуваат релацијата со традиционалниот начин на одгледување на кочанскиот ориз.

-Целта е да не се прекине тридеценискиот континуитет на манифестација, а да се избегнат масовни собири и опасноста за ширење на заразата. Во рамки на манифестацијата ќе биде доделена и наградата за најуспешен оризопроизводител, за што конкурсот е во тек и ќе трае до понеделник, 28 септември, истакнаа од Организацискиот одбор на „Деновите на кочанскиот ориз”.

Овогодишниот скртаен формат на „Деновите на оризот” ќе биде придружен со завршните содржини и затворањето на Драмскиот аматерски фестивал чиј домаќин е Кочани.та/скс/

Кочани, 24 септември 2020 (МИА)

 


Видете следно

Пауновски: Терасите на кафеаните ќе работат како досега сè додека не се донесат нови протоколи

Директорот на Државниот пазарен инспекторат Стојко Пауновски денеска изјави дека кафеанските тераси, кои поради ниските …