Меѓународна конференција за индивидуално насочено планирање кај лицата со аутизам


Македонското научно здружение за аутизам (МНЗА) денеска организира онлајн меѓународна конференција на тема „Лицата со аутизам во центарот на вниманието – поддршка преку индивидуално насочено планирање”.

Конференцијата која ќе се одвива на платформата Зум, е завршен настан од тригодишниот проект „A holistic approach to person-centered planning for Autism (AUTISM_PCP)”, од Еразмус+ програмата на Европската Комисија.


Како што велат од МНЗА, целта на конференцијата е да се промовира методологијата за индивидуално насочено планирање прилагодена за лица со аутизам, развиена како клучен резултат од работата на Autism_PCP меѓународниот конзорциум во изминативе три години. Но, ќе биде даден и поширок пресек на моменталната состојба во однос на правата и потребите на лицата со САС, како и на системските решенија во однос на социјалните услуги за оваа категорија граѓани.

За учество на настанот се пријавени околу 600 гости од земјава, како и од Словенија, Хрватска, Србија, Бугарија, САД, Германија, Велика Британија, Нов Зеланд, Грција. мч/са/


Скопје, 25 август 2021 (МИА)


Видете следно

Учениците на продолжен распуст, УНИЦЕФ повика затворањето на училиштата да биде привремена мерка

Околу 255 илјади ученици наместо утре, во училишните клупи ќе се вратат на 1 февруари …