Меѓународниот ден на мајчиниот јазик одбележан во Кисела Вода


По повод Меѓународниот ден на мајчиниот јазик, 21 февруари, вчера во големата сала на Општина Кисела Вода се одржа културнa манифестација, на која ученици од општинските основни училишта читаа лични литературни творби преку кои испратија пораки за негување на македонскиот јазик.

На настанот организиран од страна на Секторот за образование, предучилишно воспитување, култура и спорт пред пристуните за значењето на јазиците говореше Весна Костовска, виш научен соработник од Интитутот за македонски јазик „Крсте Петков Мисирков”.

По ова, секретарот на Општина Кисела Вода, Александар Алексовски, на учениците кои твореа на тема: „Негувањето на мајчиниот јазик е наш долг и наше наследство” за победничките литературни творби им подели благодарници. Благодарница и беше доделна и на Весна Костовска од Институтот за македонски јазик.

Меѓународниот ден на мајчиниот јазик, УНЕСКО го прогласи на 30-тата сесија на Генералната конференција во 1999 година. Во 2000 година овој ден е промовиран и како Ден на лингвистичката и културната разновидност и повеќејазичност.


Видете следно

Претседателот Пендаровски ја посети Лабораторијата за вирусологија и молекуларна дијагностика

Претседателот на Република Северна Македонија, Стево Пендаровски, денеска ја посети Лабораторијата за вирусологија и молекуларна …