Министерот Меџити се обрати на здравствениот конгрес во Тирана

Министерот за здравство Фатмир Меџити учествува на тридневниот здравствен конгрес, што од вчера се одржува во Тирана, Албанија.

-Конгресот го отвори албанскиот премиер Еди Рама и министерката за здравство и социјалнa заштита Огерта Манастирлиу. На настанот присуствуваат министри и лидери на здравствени институции од земјите од регионот и Европа, претставници на Светската здравствена организација, на ОН и меѓународни здравствени организации и фондации, се наведува во денешното соопштение на Министерството за здравство.

Министерот Меџити одржа говор пред учесниците на вториот ден од конгресот.

Како што се посочува во соопштението, настанот има за цел да ги собере креаторите на политиките, експертите, здравствените работници и корисниците на услуги, на заеднички форум за споделување искуства и вклучување во дијалог за предизвиците на здравствениот систем.

– Дел од темите на конгресот ги опфаќаат најдобрите меѓународни практики, во насока на подобра грижа, зголемување на квалитетот на услугите и имплементација на најновите иновации во областа на здравството, додаваат од Министерството за здравство. бд/дма/

ФОТО: Принтскрин / Видео од Министерството за здравство