НАРАТИВНИ ПРИКАЗНИ ЗА ГРАДОТ СКОПЈЕ СО ДАНИЛО КОЦЕВСКИ ВО МУЗЕЈОТ НА МАКЕДОНСКАТА БОРБА


Оваа година градот Скопје одбележува значаен јубилеј од својата историја. На 13 ноември се навршуваат 75 години од ослободувањето на градот.
Пред 75 години, Скопје било ослободено од германските окупаторски воени единици. Утрото на 12 ноември 1944 година, започнале борбите за конечно ослободување на градот Скопје. Партизаните од 12-та, 3-та и од 16-та Македонска бригада се спуштиле од Водно и по деноноќните борби ги протерале и последните германски војници од градот.

Утрото на 13 ноември со коњи промарширале низ градскиот плоштад каде што граѓаните ги поздравиле со цвеќиња.По тој повод НУ Музејот на македонската борба за самостојност во соработка со Кинотека на Македонија и ООУ “Аврам Писевски“ с. Бардовци на 13 Ноември (среда) во 12 часот го организира мултимедијалдниот настан “Наративни приказни за градот Скопје“. На настанот ќе говори Данило Коцевски, хроничар и раскажувач за градот, а ќе настапи и хорот од ООУ “Аврам Писевски“ с.Бардовци. Програмата ќе биде збогатена со емитување на документарни филмови од периодот по ослободувањето на градот Скопје од Кинотека на Македонија. Модератор на настанот е Ана Вишинова, историчар и едукатор во Музејот на македонската борба.


Видете следно

На денешен ден беше застрелан, а остана еден од најголемите музички икони на дваесетиот век

Џон Винстон Ленон е роден на 9 октомври 1940 е познат како пејач, композитор и …