Нов проект за поддршка на локалните земјоделски производители


Општина Гевгелија и Фондацијата за локален развој најавија заедничка реализација на проект за помагање на производители на храна од гевгелискиот регион како и потрошувачи кои имаат интерес да купуваат храна од локални производители на кои квалитетот и начинот на производство им се приоритет.

-Проектот има примарна цел да овозможи услови за зголемување на приходите на малите фармери и да привлече нови фармери преку воведување иновации во земјоделството и руралниот развој за кои потоа проектните активности предвидуваат обука, изработка на концепт и интернет базирана платформа за комуникација на линија производители-потрошувачи, како и понудени можни решенија за одржливост на системот, велат од Фондацијата за локален развој.

Реализацијата на проектот, велат, е резултат на најновите случувања на глобално ниво кои наметнаа потреба за поддршка на секторите од регионот кои се најдоа под удар на пандемијата со Ковид-19, а земјоделството и производството на храна се избрани затоа што долги години претставуваат двигател на локалната економија.

Гевгелија, 30 јуни 2020 (МИА)


Видете следно

Љупчо Николовски ми стана брат откако ја спаси сестра ми и нашата цела фамилија!

„На 14 февруари пред две години и се јавив на мајка ми да и честитам …