Објавен конкурс за најуспешни и најхумани медицински сестри, техничари, акушерки и стоматолошки сестри од Р.Македонија


Унијата на здруженија предводена од ЗМСТА – ЗА НАС известува дека по повод „Интернационалната недела на сестринството” (05-12 мај) објавува конкурс за “најуспешна и најхумана сестра”, на кој може да аплицираат сите медицински сестри, техничари, акушерки и стоматолошки сестри од Р.Македонија.

„Конкурсот ќе трае до 24 април, а за пријавените кандидати ќе одлучува комисија според претходно утврдени критериуми.

Избраните кандидати ќе бидат прогласени на 11-ти мај 2018 на свечената академија по повод “Денот на медицинската сестра”.

Плакетата за најхумани и најуспешни ќе го промовира и мотото на сестринството во Македонија: „Ние медицинските сестри можеби не сме ангели, но сме втората најубава работа по ангелите”.

Целта на конкурсот е да се започне традиција каде ќе се истакне и почитува секој вложен труд. Без оглед на возраста, степенот на образование или години на работно искуство, кандидатите може да конкурираат самостојно или пак да ја посочат колешката/колегата кој/а според нив треба да го носи епитетот НАЈХУМАН/А.

ПОТРЕБНИ ПОДАТОЦИ ЗА КОНКУРИРАЊЕ:
– кратка биографија
– учество во хумана мисија/дело
– фотографија
– пропратно писмо на тема „НАЈХУМАНИ И НАЈУСПЕШНИ за 2017-та”
(образложете зошто таа/тој е Вашиот избор)
Сите податоци потребно е да бидат испратени на ел.адреса: zanas.zmsta@gmail.com
Конкурсот е објавен на страната на здружението: https://goo.gl/kMuEdQ“, се вели во огласот на Здружението.


Видете следно

Нова Телеком продавница во зградата Флатирон во Кисела Вода

На денот на отворањето, одредени модели мобилни телефони со Договор во Доверба 24 се намалени …