Од оваа година повеќе деца во градинките во Центар


Советот на општина Центар вчера ја одржа 16-тата седница. Помеѓу останатите точки, советниците ја усвоија и согласноста за зголемување на капацитетот за прием на деца во општинските градинки.

Од оваа година, градинките “Кочо Рацин“, “13 Ноември“ и “Раде Јовчевски Корчагин“, со своите клонови, ќе го зголемат процентот на примени деца.

На седницата советниците ги усвоија и предлог извештаите за работа на седумте основни училишта, како и извештаите за програмта за изведување на ученички екскурзии и други слободни активности на учениците.

Седницата советниците ја прекинаа на 18-тата точка и продолжението на истата го закажаа за крајот на август, кога и ќе се донесуваат одлуките за изменување и дополнување на БЛОК 9 и БЛОК 24 од ДУП-от Ј 07 – локалитети Капиштец, Старо Водно, Долно Водно, Мало Курило и Цвеќара.


Видете следно

ГДУ: Премиере, почнете да барате оставки од оние кои не му служат на народот. Почнете од градоначалникот на Аеродром, Златко Марин

Ви пренесуваме интегрален дел од текстот од соопштението на ГДУ: „Наместо дрва, никнаа згради. И …