Одржана работна средба помеѓу министрите за внатрешни работи на Република Северна Македонија и на Република Финска


Денеска во Министерството за внатрешни работи се одржа работна средба помеѓу министрите за внатрешни работи на Република Северна Македонија и на Република Финска, Оливер Спасовски и Мариа Охисало.

На состанок, министерот Спасовски изрази задоволство што Република Северна Македонија е домаќин на Министерски форум ЕУ/Западен Балкан за правда и за внатрешни работи, кој е организиран во рамки на Финското претседателство со Советот на ЕУ. Истовремено, министерот Спасовски ги презентираше активностите кои нашата држава ги превзема во справувањето на борбата против организираниот криминал, тероризам и илегалната миграција.

Од страна на министерката Охисало беа презентирани приоритетите на Финското претседателство со Советот на ЕУ, активностите кои се преземени со цел реализација на наведените приоритети, како и предизвиците со кои се соочуваат.

Истовремено, на наведениот состанок се разгледаа можностите за продлабочување на билатералната соработка меѓу двете пријателски држави.

 


Видете следно

ССК со признание од Светската Царинска Организација 

Генералниот секретар на Светската Царинска Организација Кунио Микурија, додели признание за придонес кон развојот на …