Opel ја продолжува извозната офанзива со враќање во Јапонија


Opel ќе ја продолжи постојнатa извозна офанзива со тоа што ќе се врати на важниот јапонски пазар. Почнувајќи од следната година, брендот со логото на молња веднаш ќе лансира три модели: бестселерот Corsa, која можеби ќе се именува поинаку во Јапонија, мултифункционалниот Combo Life и компактниот SUV, Grandland X. Ќе следуваат и други модели.

„Јапонскиот пазар на автомобили е еден од најголемите во светот. Opel ужива одлична репутација како германски бренд. Затоа, нашето враќање во Јапонија е многу важен чекор за значително зголемување на нашиот профитабилен извоз – како што ветивме во PACE! планот. Opel оди глобално – нашиот кам-бек во Јапонија е дополнителен доказ за тоа “, вели Мајкл Лохшелер, извршниот директор на Opel.


Во Јапонија, Opel ќе биде дел од Националната организација за продажба на Groupe PSA и ќе може да ја искористи теренската инфраструктура и експертизата на групата. Ова во голема мерка го олеснува враќањето на овој пазар.


Досега, Groupe PSA е претставена во Јапонија со брендовите на Peugeot, Citroеn и DS Automobiles и продадени се повеќе од 15.600 возила во 2019 година. Лансирањето на марката Opel ќе и помогне на Groupe PSA да ја прошири својата понуда во Јапонија и да привлече нови клиенти. Уште повеќе, бидејќи јапонските клиенти ќе имаат корист и од офанзивата за електрификација на Opel: Тие ќе имаат избор помеѓу моторите со внатрешно согорување и електрифициран погон, бидејќи Corsa1 ќе дојде и во чисто електрична верзија, додека Grandland X ќе биде достапен и како плаг-ин  хибрид.

Во следните месеци, марката ќе гради дилерска мрежа во најголемите градови во земјата, која ќе се шири стабилно. До 2023 година, мрежата на Opel ќе биде распространета во над 80 проценти од пазарот за увоз. Opel сака да расте чекор по чекор. Како и на друго место, фокусот во Јапонија ќе биде на профитабилниот раст и на задоволните клиенти.

Сеопфатна извозна офанзива е еден столб на стратешкиот ПАЦЕ! план на Opel /Vauxhall. До средината на 2020, пазарите надвор од Европа ќе бидат одговорни за повеќе од десет проценти од обемот на продажба на Opel. За да се постигне ова, марката го зајакнува своето присуство на извозните пазари во Азија, Африка и Јужна Америка, каде веќе има присуство и ќе влезе во повеќе од 20 нови пазари до 2022 година. Најновите примери вклучуваат враќање во Русија или влез во Колумбија и Еквадор.

 


Видете следно

Жито Лукс со донација се вклучи во кампањата „Помислете и на нас“ на Црвен крст

Жито Лукс денес во Организацијата на Црвениот крст донираше 50 пакети со брашно од по …