Постигнат договор меѓу Фејсбук и австралиската Влада


Австралискиот министер за финансии Џорџ Фриденберг најави дека Фејсбук ќе ги одблокира информативните страници и потврди дека Владата предложила отстапки и измени на спорниот закон, со кој е предвидено компанијата да им плаќа на издавачите за информативните содржини.

Австралија предложи четири амандмани на спорниот закон, а менаџментот на Фејсбук соопшти дека се задоволни со предложените отстапки на Владата.

– Задоволни сме што австралиската Влада се согласи на бројни измени и гаранции да и се овозможат на нашата компанија комерцијалните работи кои се подеднакво корисни за издавачите колку и нивната работа за нас, објави компанијата Фејсбук.

Фејсбук минатата недела ги блокираше сите содржини со вести и неколку профили на австралиската Влада и Министерството за вонредни ситуации, но по преговорите меѓу министерот Фриденберг и извршниот директор на Фејсбук, Марк Закерберг е постигнат договор со соодветни отстапки. гт/

Канбера, 23 февруари 2021 (МИА)


Видете следно

Заев побара Собранието да гласа за доверба на Владата

Премиерот Зоран Заев попладнево побара од пратенциите да се изјаснат за доверба на Владата. Заев …