Презентирани предлог-проекти за новата програма за намалување на аерозагадувањето за 2020 година


Вчера во Скопје се одржа 12-та седница на Интерресорската работна група за следење на состојбата со квалитетот на амбиенталниот воздух, чиј претседател е заменик министерот за животна средина и просторно планирање Јани Макрадули.

На почетокот, заменик министерот информираше за статусот на реализација на мерките и активностите од Програмата за 2019 и ги презентираше новите предлог-проекти за новата програма за намалување на аерозагадувањето за 2020 година, кои ќе бидат систематизирани во четири основни столба, и тоа: административно – управни, техничко – технолошки, мониторинг и здравствен индикатор.

Потоа на состанокот, следуваше опсежна дискусија за секој столб и секој проект поединечно, а воедно можноста за нови предлози ќе биде отворена и за академската зедница и за НВО секторот, со одржување на дополнителни средби и состаноци, со крајна цел изработка на Програма за намалување на аерозагадувањето за 2020г. која ќе содржи квалитетни мерки и активности кои ќе претставуваат солидна основа за успешна реализација на целата програма.



Видете следно

Општина Кисела Вода денеска додели нови 60 ваучери за новороденчиња, 22 за женски и 38 за машки деца.

Ваучерите во висина од 6000 денари на семејствата од Кисела Вода им ги подели секретарот …