Предавања во рамки на промотивната кампања за борба против корупцијата „Бидете херои на чесноста“ ќе се одржат денеска основните училишта „Браќа Рамиз – Хамид” во Општина Шуто Оризари и „Војдан Чернодрински“ во Општина Карпош, со учество на Билјана Ивановска, претседателка на Државна комисија за спречување на корупција.
Преку кампањата учениците и ученичките се едуцираат за поимите интегритет и корупција, сé со цел да ја подигнеме свеста кај нив за штетните ефекти од корупцијата, како и да создадеме антикорупциско движење во земјава кое би придонело за општество со нулта толеранција за корупција.
Оваа кампања на Државната комисија за спречување на корупција е дел од активноста за анти-корупција и интегритет, која ја спроведува Канцеларијата на Меѓународната фондација за изборни системи ИФЕС, а е финансирана од УСАИД.
лв/вг/ .
Извор: МИА