Фото: english.alarabiya.

Прв економски пад на Пакистан во 68 години


Бруто домашниот производ на Пакистан во фискалната 2019/20 година, која завршува на 30 јуни, го забележа првиот пад од 1952 година, бидејќи глобалната криза предизвикана од епидемијата на коронавирусот силно ја погоди економијата на земјата.

Девалвацијата на националната валута – рупијата и намалувањето на економската активност како резултат на пандемијата ќе резултира со пад на обемот на пакистанската економија на околу 265,6 милијарди долари, од 280 милијарди долари пред една година.

Според проценка на Државната служба за сметководство (НАЦ), БДП на Пакистан ќе има негативна стапка на раст од 0,38 проценти во фискалната 2019/20 година, во споредба со растот од 5,5 проценти претходната година.

Пред пандемијата, Меѓународниот монетарен фонд (ММФ) и пакистанското Министерство за финансии предвидоа стапка на раст за тековната година од 2,4 проценти, како резултат на мерките за економска стабилизација донесени во рамките на програма на ММФ.

Исламабад, 19 мај 2020 (МИА)


Видете следно

Состаноци со високи претставници на ММФ: Јакнењето на финансиската стабилност е од голема важност за закрепнувањето на македонската економија

Последиците од ковид-кризата врз економијата се видливи, но во голема мера ублажени преку навремените и …