Распишан конкурсот за доделување месечна стипендија на талентирани ученици во Берово


Берово, 10 септември 2020 (МИА) – Општина Берово го распиша конкурсот за доделување месечни стипендии на талентирани ученици за учебната 2020/21 година. Врз основа на одлука на Советот годинава ќе се доделуваат стипендии на 10  талентирани ученици во Општинското средно училиште “Ацо Русковски” Берово.
-Согласно правилникот за начинот и посебните критериуми за доделување на месечна стипендија, Општина Берово во рамките на учебната 2020/2021 година ќе додели месечна стипендија во износ од 2.000 денари, на 10 талентирани ученици во ОСУ „Ацо Русковски”. Стипендиите ќе се доделуваат во период од 9 месеци или колку што трае учебната 2020/2021 година. Целта е да се поттикнат учениците да постигнуваат подобри резултати во воспитно-образовната работа и слободните активности како и да го афирмираат училиштето и општината во државни и меѓународни рамки, информираа од општината.
Со право на стипендија, како што додадоа можат да се стекнат талентирани ученици кои постигнале особени резултати во воспитно образовната работа и слободните активности.
-Документите кандидатите треба да ги достават во хартиена форма, директно во архива на општина Берово. Рокот за пријавување на кандидатите за користење на општинска стипендија, е најдоцна до 21 септември 2020 година. Ненавремените и некомплетни пријави, нема да се разгледуваат и бодуваат, додадоа од општината.
За информации за условите и критериумите под кои ќе се доделуваат стипендиите, од општината зантересираните кандидати ги упатија да се обратат до Одделението за јавни дејности при општина Берово. Конкурост како што додадоа е објавен и на општинската веб-страница.

Видете следно

Конференција „Корупција во екологијата. Како да ја препознаеме и како да делуваме?”

„Корупција во екологијата. Како да ја препознаеме и како да делуваме?”, е темата на денешната …