Села: Предвидени се 500 милиони евра инвестиции за четири години власт директно за ревитализација на албанските населби


Коалицијата Алијанса за Албанците и Алтернатива и кандидатите за пратеници од шестата изборна единица, вчера ја претставија програмата „Држава за сите” пред жителите во населбите на Општина Теарце.

Носителот на листа од 6 ИЕ и претседателот на Алијансата за Албанците, Зиадин Села зборуваше за многуте проблеми на албанските села, на кои им недостасуваат основни услови. Села истакна дека коалицијата АА-ААА предвидува инвестиции од 500 милиони евра само за албанските населби.

-Ние ќе бидеме имиџ на политичарот кој ќе биде избран и го исполнува тоа што го ветува. Никој од нас нема да слушне празни зборови и големи позиции затоа што нашето политичко дејствување не е само за поединецот како индивидуа. Нашата политика е поврзана со проблемите, проблемите на Албанците, каде и да се. Во нашата програма ќе видите, предвидени се 500 милиони евра инвестиции за четири години власт директно за ревитализација на албанските населби, истакна Села пред жителите на Нераште и Доброште.

Села појасни дека програмата е направена директно од барањата и загриженоста на граѓаните, бидејќи пред неколку месеци тој самиот ги поминал сите албански села, каде разговарал со жителите на секое село. Ова, објасни тој, е направено со цел внимателно да се допрат сите проблеми на граѓаните.

Теарце, 3 јули 2020 (МИА) –


Видете следно

Кордалов за МИА за темата образование: Дигитализацијата е од интерес на секого

Образовните институции имаа доволно време да дејствуваат и да преземат конкретни мерки и чекори кои …