Средства за уште 2.400 барања за субвенции за инвертери од Град Скопје


Скопје, 16 август 2020 (МИА) – Од почетокот на отворањето на јавниот повик за субвенции за инвертери поднесени се 2.623 апликации, а остануваат средства за уште околу 2.400 барања, информираат од Град Скопје.

Градските власти уште еднаш ги потсетува граѓаните од сите скопски општини дека е во тек јавниот повик за доделување субвенции за инвертер клима уреди за затоплување на домаќинствата, каде што граѓаните може да аплицираат онлајн.

– Повикот ги опфаќа граѓаните кои купиле инвертер од 1 јануари 2020 година, до завршувањето на повикот на 30 ноември годинава или до денот на исцрпување на средствата. На граѓаните ќе им бидат целосно надоместени трошоците за набавка на инвертер уред, но не поголема од 62.000 денари во нето износ, објаснуваат од Градот.

Сите информации за повикот, како и формуларите за електронското пријавување ќе ги најдете на следниов линк: https://www.surveymonkey.com/r/gradskopje-inverter2020


Видете следно

Пролетни средби на ММФ и Светската банка: Одлуките и мерките на Народната банка придонесоа за јакнење на стабилноста на банкарскиот систем и за кредитирањето

Одлуките и мерките на Народната банка донесени од почнувањето на корона-кризата наваму се позитивно оценети …