Старт на #ФинХакатон


Од денеска до недела (од 6 до 8.07.2018 година) во просториите на  Министерството за финансии се случува Фин Хакатон –  натпревар на идеи, на кој треба да се креира веб апликација, видео или мултимедијална игра за граѓанскиот буџет.

Учесници на хакатонот се програмери, графички дизајнери, економисти и креатори на софтвер кои имаа можност да се пријавуваат на отворен конкурс, спроведен изминатите 10 дена.

На отворањето на Фин Хакатонот, ќе се обратат Д-р Драган Тевдовски, министер за финансии и Јован Деспотовски, директор на Фонд за иновации и технолошки развој.

Како подготовка на натпреварот, во средата (на 04.07.2018)  во новите простории на Фондот за иновации и технолошки развој, се одржа подготовка за тимовите – буткамп. На буткампот пријавените натпеварувачи имаа можност да се запознаат и да формираат тимови, кои за време на викендот ќе работат на своите идејни решенија. Во недела жирито ќе ги избере најдобрите предлози.

#ФинХакатон е во организација на Министерството во соработка со Фондот за иновации, а наградниот фонд за него изнесува 1,5 милиони евра.

Видете следно

Новите концесии гарантираат заштита на рибите во риболовните води

Владата на Република Македонија на вчерашната седница донесе одлуки за започнување на постапки за доделување …