epa05115489 Hungarian Minister of Foreign Affairs and Trade Peter Siarto speaks during a press conference in Sofia, Bulgaria 21 January 2016. Minister of Foreign Affairs and Trade of Hungary arrived on a one day official visit in Bulgaria. EPA/VASSIL DONEV

Унгарија апелира до ЕУ да ја забрза интеграцијата на Западен Балкан


Унгарија апелира до Европската унија да ја забрза интеграцијата на Западен Балкан во блокот и очекува Брисел да почне пристапни преговори со Тирана и Скопје и да отвори најмалку две поглавја за пристап со Србија до крајот на оваа година. „Секој што го блокира ова мора да сноси одговорност за штетите од историски размери што ќе ги предизвика во овој регион”, нагласи унгарскиот министер за надворешни работи Петер Сијарто.

Тој изјави дека ЕУ се соочува со „невиден мигрантски притисок”, нагласувајќи дека европскиот блок е веќе „под опсада од југ, југоисток и исток”. Според Сијарто, Вишеградската група вчера одржала посебен состанок на кој Чешка, Словачка и Унгарија и понудиле помош на Полска.


-Кога Унгарија се соочи со слична ситуација во 2015 година, помогнаа другите земји од В4, додаде унгарскиот министер. Кога станува збор за притисокот на мигрантите од југот, Сијарто нагласи дека е важно да се подобрат условите за живот, наместо да се поддржува емиграцијата од проблематичните африкански земји. Унгарија го дава својот удел кога станува збор за таквите напори, додаде тој, истакнувајќи дека до крајот на 2023 година Будимпешта ќе придонесе со 80 војници во работната група европска Такуба која се бори против милитантите поврзани со таканаречената ИД во Мали. зш/

Будимпешта, 16 ноември 2021 (МИА)



Видете следно

Марин: Членството на Финска во НАТО е многу неверојатно

Финска во блиска иднина нема планови да се приклучи кон НАТО, но е подготвена да …