Вицепремиерот задолжен за економски прашања во самоизолација поради контакт со лице позитивно на коронавирус


Вицепремиерот задолжен за економски прашања Фатмир Битиќи на својот фејсбук-профил објави дека во наредните денови ќе оди во самоизолација поради контакт со лице позитивно на коронавирус.
-Моменталните услови на живеење за сите нас се променливи и непредвидливи, коронавирусот наметнува брзо прилагодување на новите услови. Ова значи враќање во нормалното секојдневно работење и живеење, секако со почитување на сите мерки за заштита и превенција, но од друга страна и одговорност за себе и луѓето околу нас и почитување на насоките на Институтот за јавно здравје за изолација и тестирање кога сме имале контакт кој можеби не става под ризик. Поради контакт со позитивно лице, во следните неколку дена влегувам во самоизолација, после што ќе направам тест. Во моментов немам никакви симптоми и се чувствувам одлично, напиша Битиќи.
Ова, додава тој, ги менува моите секојдневни обврски и планови кои ги имав за наредните денови, се извинувам за сите откажувања на гостувања, состаноци и планирани средби.
-Здравјето и безбедноста на оние околу мене, семејството, тимот и соработниците е приоритет. Бидете здрави и живи и ова ќе помине, пишува вицепремиерот на својот фејсбук-профил. сст/дма/

Скопје, 16 октомври 2020 (МИА)

Видете следно

Колку е важно управувањето со отпадот во напредокот на Македонија во пристапните преговори за ЕУ

Во последниот извештај од Европската комисија за Македонија меѓу другите заклучоци од мониторингот на напредокот …