Влада на Косово: Израел има право да се брани од нападите на Хамас


Владата на Косово смета дека Израел има право да го штити својот народ од, како што наведува, над 2.000 ракети испукани само од палестинската организација Хамас, во актулениот конфликт меѓу двете земји во Појасот Газа, јави дописникот на МИА од Приштина.

Во објава на својата официјална страница на Твитер, косовското Министерство за надворешни работи апелира до страните во конфликтот да се воздржат од насилство и да изнајдат мировно решение.


– Како и секоја држава, Израел има право и задача да го заштити својот народ од над 2.000 ракети испукани врз цивилите само од Хамас, кој ги држи во заложништво палестинските цивили во својата борба. Ние тагуваме по сите жртви. Апелираме за воздржаност, прекин на насилствата и изнаоѓање мировно решение, се вели во соопштението на косовското МНР. иа/ссм/

Приштина, 16 мај 2021 (МИА)



Видете следно

Финансиско ветување за борба против кризата со храна на крајот на Самитот на Г7

Групата богати нации Г7 се очекува денеска да го заврши својот тридневен самит на Баварските …