Владата ќе ја одржи 106-та седница


Владата денеска со почеток во 12:00 часот ќе ја одржи редовната 106-та седница со повеќе точки на дневен ред, најави владината прес-служба.

На седницата, согласно дневниот ред, на предлог на Министерството за надворешни работи ќе биде разгледан Предлог на закон за ратификација на измените и дополнувањата на Договорот за слободна трговија меѓу Република Северна Македонија и ЕФТА државите, според кој Министерството за економија, Министерството за земјоделство, шумарство и водостопанство, Министерството за финансии-Царинска управа се определуваат како надлежни органи на државната управа што ќе се грижат за извршување на измените и дополнувањата на Договорот.


Покрај другото, на седницата, пред министрите за разгледување ќе се најдат и информации за проекти на одделни министерства, како и извештаи за работењето на повеќе јавни претпријатија и трговски друштва во државна сопственост, согласно обврските за редовно доставување до Владата и со цел поголема транспарентност во работењето.
Од Владата најавуваат дека за донесените одлуки и заклучоци од седницата јавноста ќе биде известена преку соопштение.ир/лв/

Скопје, 14 септември 2021 (МИA)


Видете следно

Жените вработени во градските служби во Кабул ќе останат дома

Талибанците им наредија на жените вработени во градските служби во Кабул да останат дома, а …