Во септември просечната нето плата 27.405 денари


Скопје, 20 ноември 2020 (МИА) – Просечната нето-плата во септември годинава изнесува 27.405 денари и е за 7,7 отсто повисока во однос на минатогодишниот септември, додека просечната бруто исплатена плата изнесува 40.913 денари и е повисока за 8,2 отсто.

Според податоците на Државниот завод за статистика, зголемувањето се должи, пред се, на повисоката просечната месечна исплатена нето плата по вработен во секторите: Уметност, забава и рекреација за 10,6 отсто, во Преработувачка индустрија за 10,2 отсто и во Дејностите на здравствена и социјална заштита за 10 отсто.

Намалување на просечната месечна исплатена нето плата, во однос на претходниот месец има во секторите Земјоделство, шумарство и рибарство за 7,1 отсто, Уметност, забава и рекреација за 6,4 отсто и Трговија на големо и трговија на мало, поправка на моторни возила и мотоцикли за 3,2 отсто.

Зголемување на испалатената бруто плата се должи на зголемувањето на просечната месечна исплатена бруто-плата по вработен во секторите: Преработувачка индустрија за 10,7  отсто, Уметност, забава и рекреација за 10,6 и Дејности на здравствена и социјална заштита за 10,2 отсто.

Намалување на просечната месечна исплатена бруто-плата по вработен, во однос на претходниот месец, е забележано во секторите: Уметност, забава и рекреација за 6,4 отсто, Земјоделство, шумарство и рибарство за 5,4 и Трговија на големо и трговија на мало, поправка на моторни возила и мотоцикли за 2,9 отсто. вј/скс/


Видете следно

Колева: 20 отсто повеќе средства за капитални инвестици во 2021 за да придонесеме за поголем економски раст

Скопје, 3 декември 2020  Предлог буџетот за 2021 година доставен од Владата предводена од СДСМ …