За 4,6 проценти помалку работници во индустријата од јануари до јули годинава


Скопје, 31 август 2020 (МИА) – Бројот на работниците во индустријата во јули годинава во однос на јули минатата година е намален за 6,2 проценти. Во првите седум месеци од годинава споредено со истиот период лани има намалување за 4,6 проценти на работниците во индустријата, објави денеска Државниот завод за статистика.

Бројот на работниците во секторот рударство и вадење на камен во јули 2020 година, во однос на јули 2019 година, бележи опаѓање од 0,7  проценти, во снабдување со електрична енергија, гас, пареа и климатизација за 0,9 проценти, како и од 6,9 проценти во преработувачката индустрија .

Според главните индустриски групи, бројот на работниците во индустријата во јули годинава, во однос на јули минатата година, бележи опаѓање кај енергија за 0,9  проценти, интермедијарни производи, освен енергија за 5,4  проценти, капитални производи за 10,9  проценти, трајни производи за широка потрошувачка за  седум проценти и нетрајни производи за широка потрошувачка за 5,4  проценти.


Видете следно

Владата го утврди дополнетиот ребаланс на Буџетот со амандаманите од комисиската расправа во Собранието

Скопје, 26 октомври 2020 (МИА) – Владата на Република Северна Македонија на денешната 15-та редовна …